A Deputación da Coruña alerta dun intento de fraude relacionado co servizo de teleasistencia

Ecos da Comarca/Xeral

A Deputación da Coruña informa dun intento de fraude relacionado co seu servizo de Teleasistencia. "Nas últimas horas detectáronse chamadas a persoas maiores pedindo datos para o cobro de gastos ou cotas", indica. E recalca que esta prestación é completamente gratuíta.

"Non facilitedes ningún tipo de información bancaria por teléfono. De recibir estas chamadas, podedes dar aviso ao propio servizo a través do botón vermello", subliña o ente provincial.