A Deputación aprobará hoxe 130.000 euros para a remodelación dos vestiarios da piscina da Bandeira

A deputada provincial Belén Cachafeiro visitou as instalacións, onde se van investir recursos provinciais do III Plan Extraordinario de Infraestruturas Deportivas para atender a demanda do goberno local

Laura Moure/Silleda

A deputada provincial Belén Cachafeiro visitou onte a piscina municipal da Bandeira, en Silleda, onde anunciou que a Deputación aprobará na Xunta de Goberno deste venres unha inxección económica de 130.774 euros para a remodelación interior dos seus vestiarios.

 Publicidade

Preme na imaxe para obter máis información do evento.

Trátase da totalidade dos recursos que lle corresponden a Silleda ao abeiro do III Plan Extraordinario de Infraestruturas Deportivas, dotado de 8 millóns de euros con destino a que os municipios de menos de 50.000 habitantes da provincia poidan subvencionar proxectos municipais de construción de novas instalacións e espazos públicos de uso deportivo, así como para a modernización, remodelación e mellora de instalacións e espazos xa existentes.

 Publicidade/DOAZÓN PARA ECOS DA COMARCA

Fai unha doazón para axudar ao xornalistmo independente. Gracias!

Belén Cachafeiro deu conta dos traballos que se realizarán con estes recursos nos vestiarios da piscina, onde se mellorará a envolvente existente (soleiras, fachadas, carpintería e cubertas), a compartimentación interior, o sistema de acabados e acondicionamento e instalacións (humidades, fontanería, ventilación, electricidade, iluminación, protección contra incendios, etc.), así como a dotación de equipamento.

Publicidade

Preme para contactar con nós e pregunta polas tarifas que son unha bicoca!

“O municipalismo e o deporte son dúas das nosas prioridades, e esta actuación é unha boa mostra diso”, asegurou Belén Cachafeiro, que lembrou que “cando nos referimos á provincia do deporte referímonos tamén ao impulso que estamos a dar desde a Deputación para modernizar instalacións deportivas nos concellos a través dos Plans Extraordinarios de Infraestruturas Deportivas Imos xa pola súa terceira edición, que conta con 8 millóns de euros de orzamento que, sumados ás dúas anteriores, supón un investimento de 20 millóns de euros en tres anos”.