top of page

A cooperativa Sen Máis da Cernada, Palas, participará nun encontro interxeracional de mestras queixeiras

hace 4 días
2 min de lectura

A cita será o 26 de novembro no Museo Parladoiro de Outeiro de Rei


Laura Moure/Palas de Rei

O vindeiro xoves, 26 de novembro, ás 17:30 horas, o Museo Parladoiro de Outeiro de Rei acollerá un encontro interxeracional de mestras queixeiras das comarcas de Lugo, no marco do proxecto de investigación CALLEIRA (CAdea Luguesa do LEite e Informacións Rurais Adxacentes).

O deputado de Medio Rural, Mar e Mocidade da Deputación de Lugo, Daniel García; a vicerreitora de Cultura, Lingua e Patrimonio da USC, Ana Cabana; a investigadora principal de CALLEIRA, Elena Freire Paz, e a deputada de Cultura, Patrimonio Histórico Artístico e Normalización Lingüística da Deputación de Lugo, Iria Castro, nunha reunión de traballo do proxecto CALLEIRA no Pazo de San Marcos.
O deputado de Medio Rural, Mar e Mocidade da Deputación de Lugo, Daniel García; a vicerreitora de Cultura, Lingua e Patrimonio da USC, Ana Cabana; a investigadora principal de CALLEIRA, Elena Freire Paz, e a deputada de Cultura, Patrimonio Histórico Artístico e Normalización Lingüística da Deputación de Lugo, Iria Castro, nunha reunión de traballo do proxecto CALLEIRA no Pazo de San Marcos.

A xornada reunirá as catro empresarias do sector lácteo que participan na iniciativa (Airas Moniz, Bisqato, A Cernada-Sen Máis e Quintián), xunto con mulleres informantes procedentes de distintos puntos da provincia e pertencentes a tres xeracións diferentes, que están a achegar as súas memorias, coñecementos e experiencias para a investigación, liderada desde o Campus de Lugo da USC.


Das comarcas figura unha de Palas de Rei. Sen Máis é unha cooperativa galega de traballo asociado dedicada ao envasado, transformación e comercialización de leite e produtos lácteos con certificación ecolóxica. Está situada na aldea de A Cernada, en Augasantas, no municipio palense.

 PUBLICIDADE

Tamén asistirán as persoas integrantes do equipo investigador da Universidade de Santiago de Compostela, a vicerreitora de Cultura, Lingua e Patrimonio da USC e unha representación da Vicepresidencia da Deputación de Lugo, entidade que financia o proxecto a través da súa área de Medio Rural, Mar e Mocidade.

 PUBLICIDADE

Preme na imaxe para contactar connosco.
Preme na imaxe para contactar connosco.

O encontro será unha oportunidade para compartir experiencias e favorecer o diálogo entre xeracións arredor da cultura queixeira lucense. A entrada é libre e de balde ata completar aforo. 


Comentarios


IRS.gif
Copia de ¡TU Anuncio!.gif
32941502-7315-4b45-bdb2-1e2337015ba2.jfif

© 2026 por Ecos da Comarca.

​

¡Grazas por contactar connosco!

  • Facebook
  • Instagram
  • TikTok
  • X
  • Youtube
bottom of page