A Biblioteca Municipal de Silleda volve a aplicar o horario continuado dende hoxe

O servizo na rúa Trasdeza, estará aberto ao público de 08:00 a 20:30 e luns a venres e os sábados de 11:00 a 13:30 horas

Laura Moure/Silleda

A Biblioteca Pública Municipal Daniel Castelao de Silleda contará novamente dende hoxe, 16 de setembro, con horario continuado durante a semana. Así, este servizo público estará aberto de luns a venres en horario de 8:00 a 20:30 horas de xeito ininterrumpido, despois de aplicarse un horario reducido durante a tempada de verán. Nas xornadas de sábado o horario de apertura do centro será de 11:00 a 13:30 horas.

Con esta medida vense a mellorar este servizo público facilitanto ao público en xeral máis tempo de uso tanto da consulta e préstamo de fondos como da sala de estudo.

Publicidade

Preme na imaxe se queres contactar connosco.

A biblioteca foi trasladada á ubicación actual en abril de 2022. O centro, con milleiros de volumes dispoñibles, conta cunha sala adicada ao público infantil e sala de estudo e nos últimos meses incorporou 170 novos títulos, en galego e castelán aos seus fondos, correspondentes a distintas novidades editoriais.