A Banda de Música Municipal de Agolada ofrecerá un concerto o 29 con José Antonio Blas da París

A música mexicana será a protagonista da actuación e é necesario reservar entradas

Laura Moure/Agolada

A Banda de Música Municipal de Agolada ofrecerá o domingo 29 un novo concerto, pero desta volta para rematar o verán e ademais, contará coa presenza dunha das voces máis recoñecidas da verbena galega: o cantante da París de Noia José Antonio Blas

A cita será ás 20:30 horas no Campo da feira de Agolada. Será un concerto de música mexicana: Huapangos, Corridos, Rancheras, ambientado para a ocasión coma un rancho mexicano.

Haberá aforo limitado. Os interesados poderán reservar a súa entrada, que será gratuíta, nos números : 661 95 31 08 696 30 12 79 676 34 59 12