A Asociación de Comerciantes e Empresarios de Silleda advirte que a campaña de Nadal pende dun fío

O motivo é a falta de constitución dunha nova directiva

Laura Moure/Silleda

Este pasado luns 20 de outubro tivo lugar na Casa da xuventude de Silleda a Asamblea Extraordinaria da Asociación de Comerciantes e Empresarios de Silleda (ECOS), na cal o tema a tratar era a constitución dunha nova directiva, algo que non se conseguíu, polo que periga a campaña de Nadal.

Explican que na xunta estaban presentes un total de 15 socios dos 70 dos que está formada a asociación, de entre os cales 4 eran membros da actual directiva. De todos os membros presentes só dous se presentaron para formar a nova directiva, a cal debe de estar formada por un total de 6 membros, polo que, se acordou dar de prazo ata o próximo luns 27 de outubro, prazo no que de non chegar a constituirse a nova directiva, xa que a actual está convocada para facer unha acta de disolución de Ecos.

Publicidade

Preme na imaxe para obter máis información do evento.

"Dende Ecos fixemos un chamamento a todos os socios e socias para que a nova directiva que se esta intentado formar poida chegar a ser unha realidade e poder dar continuidade a asociación".

Publicidade

Preme na imaxe se quere contactar connosco.

Salientan que "xa ca Campaña de Nadal as portas, urxe a formación da nova directiva, posto que, esta campaña leva sendo todo un éxito estos últimos anos e supón un gasto moi grande en compras, as cales repercuten no pequeno comercio local asociado. As cifras o demostaran, posto que o pasado ano según os sobres que participaron no sorteo de Nadal do 10 de xaneiro, había compras por un importe total mínimo aproximado duns 200.000€ que se gastaron no comercio de Ecos".