A agoladesa Zerua Galego Insua presenta o seu segundo libro nun acto conducido por Laura Moure
Laura Moure/Agolada
A Taberna dos Pendellos de Agolada acolleu hoxe a presentación do libro Tres y tres meses da agoladesa Zerua Galego Insua. A escritora estivo acompañada por familiares, amigos e veciños que quixeron coñecer máis polo miúdo esta súa segunda obra. O acto estivo conducido por unha servidora, a xornalista de ECOS DA COMARCA Laura Moure.
Durante a cita falouse do proceso para chegar a sacar ao mercado unha segunda creación literaria en pouco máis dun ano; afondouse na obra e no seu título e tamén se abordou a importancia de darlle visibilidade á saúde mental, tema que aborda Galego no seus dous libros contando a súa propia e dura experiencia.
Ademais, a escritora adiantou aspectos da que será a súa terceira creación literaria e tamén comentou que segue traballando nunha novela.
NOTICIAS RELACIONADAS:
(Entrevista feita por ECOS DA COMARCA a Zerua Galego polo seu primeiro libro): https://www.ecosdacomarca.com/post/a-sa%C3%BAde-mental-est%C3%A1-moi-estigmatizada-e-espero-que-este-poemario-colabore-a-romper-este-estigma
(Entrevista feita por ECOS DA COMARCA a Zerua Galego pola súa segunda obra): https://www.ecosdacomarca.com/post/este-libro-ten-moito-traballo-detr%C3%A1s-e-moitas-emoci%C3%B3ns-e-experiencias-estou-orgullos%C3%ADsima-del?fbclid=IwAR0-YrbnZjM6DWnbVJlqr3tET0-FrJ-u3hLJyR9ALB9HLjS_ajcpJNGsJ2w
(Anuncio presentación da segunda creación): https://www.ecosdacomarca.com/post/a-agoladesa-zerua-galego-insua-presenta-ma%C3%B1%C3%A1-a-s%C3%BAa-segunda-obra-literaria-na-s%C3%BAa-vila
