Perruquería Marisa.gif

A firma dezá Autocares Meijide é unha das ganadoras dos Premios 'As empresas do Ano'

Logra esta distinción na categoría de Transporte Discrecional


Laura Moure/Deza

O Xurado dos Premios “As Empresas do Ano” decidiu que os operadores Sarfa, a dezá Autocares Meijide, Transportes Metropolitanos de Barcelona (TMB) e Autogranadina sexan as “Empresas do Ano 2023”, nas categorías de Transporte Regular, Transporte Discrecional, Transporte Urbano e PEME-Transporte Regular, respectivamente.

A cerimonia de entrega celebrarase o vindeiro martes 20 de decembro en Ifema Madrid (Salga Retiro, situada entre os pavillóns 8 e 10), ás 19:00 horas. A asistencia é gratuíta, pero é imprescindible acreditarse con antelación. Como vén sendo habitual nas últimas edicións, o acto está patrocinado pola marca fabricante Volvo.


Con estas catro compañías galardoadas este ano, a cifra de empresas premiadas supera amplamente o centenar desde que os premios comezásense a entregar alá por 1992. Trátase , por tanto, da XXXI edición. Estas distincións son un recoñecemento ao labor desenvolvido polas compañías españolas de transporte de viaxeiros por estrada nos seus tres segmentos de negocio (regular, discrecional e urbano). Pola súa banda, a cuarta categoría está dirixida a asegurar que as pequenas empresas do sector poidan acceder tamén a estes galardóns.

“As Empresas do Ano” teñen como principal obxectivo poñer en valor o servizo prestado á sociedade polo sector do transporte de viaxeiros por estrada no noso país. Un servizo que permite vertebrar o país, asegurar a mobilidade de toda a poboación independentemente do seu lugar de residencia e garantir o crecemento económico.


Ademais, a revista Autobuses & Autocares está a elaborar un Número Especial sobre os gañadores de “As Empresas do Ano 2023”, que estará presente na cerimonia de entrega, onde se resaltan os méritos e as iniciativas postas en marcha polos catro operadores.


234 visualizaciones0 comentarios
IRS.gif
Copia de ¡TU Anuncio!.gif