40 persoas participaron na I Xornada de Patrimonio Oculto organizada polo Concello de Touro

Ecos da Comarca/Touro

40 persoas participaron este sábado, 22 de novembro, na I Xornada de Patrimonio Oculto organizada polo Concello de Touro.

Ao longo da xornada, os asistentes tiveron a oportunidade de descubrir a riqueza do patrimonio local a través de visitas guiadas a enclaves únicos: Pazo de Andeade, Pazo de Dioño, xacemento arqueolóxico do Castrillón e Coto de San Sebastián, con explicacións de Fran, de Tempos Arqueólogos e tamén visitaron a Bodega Lagar de Bendaña, onde puideron degustar viños da D.O. Rías Baixas – subzona Ulla.

 Publicidade

A ruta incluíu tamén unha parada nas Cabañas da Ulla, onde desfrutaron dun café por cortesía do establecemento.

Publicidade

"Grazas a todas as persoas e entidades colaboradoras por facer posible esta primeira edición e por contribuír a poñer en valor o noso patrimonio, a nosa historia e a nosa identidade", sinala o Concello.