24 nenos presentan traballos ao II Concurso de Postais “Aldeas de Nadal” de Lalín

Co conxunto dos traballos realizarase unha exposición na planta baixa da Biblioteca Municipal, que permanecerá aberta ata o 9 de xaneiro de 2026

Laura Moure/Lalín

O II Concurso de Postais “Aldeas de Nadal”, promovido pola Biblioteca Municipal Varela Jácome, vén de pechar o prazo de presentación de traballos. Nesta edición este certame que ten como fin fomentar a creatividade e a participación cultural da cativada lalinense recibiu un total de 24 postais:

• Categoría A (3 a 6 anos): 16 debuxos presentados

• Categoría B (7 a 12 anos): 8 traballos recibidos

 Publicidade

O xurado, designado pola Concellería de Cultura, seleccionará proximamente unha postal gañadora por cada categoría, valorando a orixinalidade e a creatividade acorde coa idade dos participantes. Cada gañador por categoría (A e B) recibirá un diploma e un lote de libros, e todos os nenos e nenas participantes contarán cunha mención especial.

Publicidade

Co conxunto dos traballos realizarase unha exposición na planta baixa da Biblioteca Municipal, que permanecerá aberta ata o 9 de xaneiro de 2026, data na que terá lugar a entrega oficial de premios e diplomas.