Videochamadas cos Reis Magos dende Antas de Ulla

Os interesados teñen de prazo para anotarse ata o 31 de decembro

Laura Moure/Antas de Ulla

Este mércores o Concello de Antas de Ulla informou que se suspendía a Cabalgata de Reis Magos e a festa infantil do día 5 debido ao aumento xeneralizado de casos de Covid en toda Galicia. Pero ao mesmo tempo, adiantaba que os nenos e nenas deste municipio poderían facer as súas peticións. Sabedes como?

"Queremos que este ano todos os nenos e nenas de Antas de Ulla poidan falar cos Reis Magos para contarlles o ben que se portaron e pedirlles o que queren que lles traian. Xa vos contamos que tivemos que cancelar a súa visita por prudencia e responsibilidade pero ides poder velos igual!!! Tan só tedes que chamar ás súas axudantes, as elfos María e Natalia, e reservar unha videochamada con eles", conta o Concello.

Os interesados teñen de prazo para solicitar falar con eles ata o día 31. Deben chamar aos teléfonos 630 366 704 (Elfo María) ou 676 822 554 (Elfo Natalia).

NOTICIA RELACIONADA:

• https://www.ecosdacomarca.com/post/o-concello-de-antas-de-ulla-suspende-a-cabalgata-de-reis-e-a-festa-infantil-prevista-para-o-d%C3%ADa-5