Unha terapia xénica evita que Hugo, un neno de Arzúa de 9 anos, quede cego

Laura Moure/Arzúa

O Hospital Sant Joan de Déu Barcelona informou a través das súas redes sociais da terapia xénica que recibiu Hugo, un neno galego de 9 anos, para evitar que quedase cego. Hugo é un cativo de Arzúa.

Facebook: Hospital Sant Joan de Déu Barcelona

Tal e como informa o propio centro hospitalario, Hugo tiña unha distrofia hereditaria da retina e perdera progresivamente a visión ata conservar só un 5% de capacidade visual.

 PUBLICIDADE

Se queres obter máis información do evento preme na imaxe.

No Hospital Sant Joan de Déu Barcelona recibiu unha terapia xenética que freou a evolución da enfermidade e permitiulle gañar autonomía e mellorar a súa calidade de vida. "Casos como o seu mostran o impacto real dos avances en enfermidades raras e as novas terapias que están a transformar o futuro de moitos nenos e familias", recalca o hospital.

 PUBLICIDADE

Preme para obter máis información.

E adianta que o 4 de xuño, estes e outros avances compartiranse na 3ª edición de Únicas Talks, en Santiago de Compostela, un foro impulsado por Sant Joan de Déu e a Fundació ”a Caixa” para abordar os retos e innovacións en enfermidades minoritarias.