Unha persoa trasladada logo dun incendio nunha caravana

Ecos da Comarca/Xeral

Unha persoa trasladada logo dun incendio nunha caravana en Bueu. O lume comezou nun galpón.

Foto de arquivo.

O 112 Galicia recibiu o primeiro aviso por este incendio pouco despois das 7:30 horas desta mañá. Segundo indicaron varios particulares, estaba a arder un galpón na praia de Tulla, en Beluso, despois de escoitarse un estoupido.

Publicidade

Preme na imaxe para obter máis información do evento.

Os bombeiros do Morrazo acudiron ata o lugar para sufocar o lume, o cal xa estaba afectar tamén a unha caravana. A dotación desprazada explicou que tanto o galpón como a propia caravana arderan completamente, sen poder clarificar cal fora a causa do lume.

Publicidade

Preme na imaxe se quere contactar connosco.

Ademais, foi preciso avisar ao Servizo de Urxencias Sanitarias de Galicia-061, pois unha persoa da caravana sufrira queimaduras. O ferido foi trasladado ata o hospital de referencia. Cómpre mencionar que neste operativo tamén participaron a Policía Local e a Garda Civil.