Unha persoa resultou ferida logo dun accidente con catro coches implicados e unha árbore

Ecos da Comarca/Xeral

Unha persoa resultou ferida logo dun accidente con catro coches implicados e unha árbore en Culleredo. Foi preciso cortar o carril dereito en sentido Coruña, tal e como informa o 112 Galicia.

Foto de arquivo.

O accidente ocorreu uns 10 minutos antes das 21:00 horas de onte. Segundo indicou un particular, atopárase cunha árbore na estrada, no quilómetro 589 da A-6, e varios vehículos accidentados. Polo que indicaron máis alertadores, a árbore caera sobre un dos turismos.

 Publicidade

Preme na imaxe para obter máis información.

De contado, desde a Sala de Operacións do 112 Galicia avisouse ao Servizo de Urxencias Sanitarias de Galicia-061 e á Garda Civil de Tráfico.

Publicidade

Preme para contactar con nós e pregunta polas tarifas que son unha bicoca!

Os servizos de emerxencias acudiron ata o lugar do incidente, onde unha persoa recibiu atención sanitaria. Ademais, foi preciso cortar o carril dereito en sentido Coruña logo de que se producise o accidente.