IsmaelRS/O Pino
Esta mañá sobre as 6:30 horas produciuse unha saída da estrada na N-547 á altura da parroquia de Cerceda. No sinistro só se viu implicado un turismo, que chocou contra o valado perimetral dunha finca.
A voz de alarma foi dada por un particular, que nese momento comentou a 112 Emerxencias que non había feridos nin atrapados, de todas formas o 112 mobilizou aos equipos sanitarios e tras presentarse no lugar do accidente, puideron comprobar que había unha persoa que se queixaba de dor nun pé e tamén dor cervical.
O 112 Emerxencias, ademais de mobilizar ao Equipo de Urxencias Sanitarias, tamén mobilizou á Garda Civil de Tráfico, Bombeiros de Arzúa e ao Servizo de Mantemento de Estradas.
Tamén puxo estes feitos en coñecemento do Concello do Pino para que avaliaran os danos, segundo comenta o 112 a este medio.
댓글