Unha nai entregaba material de carácter íntimo da súa filla menor a cambio de diñeiro

Ecos da Comarca/Xeral

O equipo de Policía Xudicial da Garda Civil de Cambados detén a un home de 31 anos e unha muller de 40 anos veciños do Salnés por presuntos delitos contra a liberdade sexual dunha menor.

A investigación iniciouse por mor da denuncia presentada por unha muller que denunciaba unhas supostas coaccións cara á súa persoa e cara á súa filla menor, por parte dun home, co que tivera algún encontro casual.

Tras as diferentes pescudas lógrase identificar o autor das coaccións, o cal tras coñecer á denunciante a través dunha aplicación de citas e quedar coa mesma nun par de ocasións, contacta coa filla para pedirlle imaxes e vídeos de índole sexual, propoñéndolle dedicarse a vender ese tipo de vídeos, alegando traballar para unha promotora e asegurando que todo sería legal, xa que contaría coa autorización da súa nai.

Publicidade

Preme na imaxe para obter máis información do evento.

Ante a negativa da menor, a detido ameaza á mesma dicíndolle que vai ir a por ela e a por a súa proxenitora. No transcurso da investigación, a mesma dá un xiro inesperado cando se comproba que é a propia nai da menor a que poñería en contacto a este home coa súa filla. A detida enviáralle varios vídeos da súa filla en roupa interior e mesmo chega a facerlle entrega dalgunha peza de roupa interior da mesma.

Tras coñecer a implicación da nai nestes feitos procédese á súa detención, imputándolle un delito contra a liberdade sexual e un delito de revelación de segredos. Así mesmo, detense tamén ao home, ao que se lle imputan varios delitos relacionados coa explotación sexual e corrupción de menores, ademais de delito de coaccións, revelación de segredos e contra a liberdade sexual da menor.

Publicidade

Preme na imaxe se quere contactar connosco.

No transcurso destas detencións incáutanse varios dispositivos electrónicos utilizados polos autores para levar a cabo a actividade delituosa, nos que se prevé localizar material de interese para a investigación aínda en curso.

Os detidos xunto coas dilixencias foron postos ao dispor xudicial do Xulgado de 1ª instancia e Instrución nº 3 de Cambados, o cal decretou a liberdade provisoria con cargos.