Unha nai e os seus dous fillos tiveron que ser trasladados tras un accidente

Ecos da Comarca/Xeral

Foto do Accidente. ADC Bombeiros Boiro

Un accidente de tráfico producido na AG-11, no quilómetro 34 aproximado, ao seu paso polo lugar de Landoi, en Cazás, obrigou ao traslado dunha nai e os seus dous fillos.

O 112 Galicia recibiu varias chamadas de particulares ás 17:25 horas alertando de que dous vehículos se viran implicados no sinistro e que un deles quedara incrustado na barreira de seguridade, co risco de que puidese haber persoas atrapadas.

 Publicidade

Preme na imaxe para obter máis información.

De inmediato, desde a sala de operacións pasouse aviso ao Servizo de Urxencias Sanitarias de Galicia-061, aos Bombeiros de Ribeira e de Boiro, á Garda Civil de Tráfico, á Policía Local e a Protección Civil.

Publicidade

Preme para contactar con nós e pregunta polas tarifas que son unha bicoca!

Ao chegar ao lugar, os Bombeiros confirmaron que non había persoas atrapadas. Un dos vehículos permanecía atravesado na barreira de seguridade e os seus ocupantes abandonaran o lugar, pero foi necesario cortar a carrocería para que o vehículo puidese ser retirado por unha grúa.

No outro vehículo viaxaban a nai e os seus dous fillos, que tiveron que ser trasladados ao Hospital do Barbanza para recibir asistencia sanitaria.