Unha muller tivo que ser trasladada logo de sufrir un atropelo en Monterroso

O accidente tivo lugar na Avenida de Lugo, no centro desta localidade lucense

Ecos da Comarca/Monterroso

Unha muller foi trasladada, esta tarde, despois de sufrir un atropelo na Avenida de Lugo, en Monterroso.

A poucos minutos das 16:30 horas, os servizos sanitarios comunicáronse co 112 Galicia para informar do accidente e indicar que a ambulancia ía en camiño.

Así, os xestores do CIAE-112 facilitáronlle os datos á Garda Civil de Tráfico, aos Bombeiros de Chantada e ao GES e Protección Civil de Monterroso.

Finalmente, os membros do GES da localidade indicaron que a persoa tivo que ser evacuada ao centro hospitalario de referencia.

Unha ambulancia. Fonte: Ecos da Comarca