Ecos da Comarca/Xeral
Unha muller precisou asistencia sanitaria logo de tratar de apagar un lume nunha vivenda da Estrada. Segundo comunicaron os servizos de emerxencias, o incendio puido orixinarse nunha decoración de Nadal, e a afectada foi atendida por unha posible inhalación de fume.

Dez minutos antes das 10 horas da mañá, a propietaria da vivenda contactou co 112 Galicia para alertar do incendio. Non había ninguén no interior da casa, situada no lugar das Quintas, pertencente á parroquia estradense de Tabeirós.
Publicidade

De inmediato, activouse un operativo para o que se solicitou a colaboración de Urxencias Sanitarias de Galicia-061, dos Bombeiros de Silleda, do GES e do Servizo Municipal de Protección Civil da Estrada, da Garda Civil e da Policía Local.
Unha vez apagado o lume, os efectivos do GES comprobaron que ardera o recibidor da vivenda, mentres que a planta superior viuse afectada por fume. Ademais, indicaron que os cables dunhas decoracións de Nadal estaban derretidos, polo que este puido ser a orixe do incendio.
Publicidade
Unha muller que tentou apagar o lume polos seus medios foi atendida polos servizos sanitarios.
Comments