Unha muller excarcerada no Carballiño tras cruzarlle un animal e envorcar co seu coche

Ecos da Comarca/Xeral

Unha muller tivo que ser excarcerada tras envorcar co seu vehículo no Carballiño. Aínda que nun principio a persoa dixo non estar ferida, finalmente foi evacuada polos servizos sanitarios.

A propia condutora implicada chamou ao 112 Galicia dez minutos antes das 9 horas para relatar o accidente: cruzóuselle un animal por diante do coche cando circulaba pola rúa de Serra Martiñá. A implicada tivo que dar un golpe de volante e acabou envorcando, sendo incapaz de saír do coche.

Unha vez no lugar, os membros de Protección Civil do Carballiño empregaron o seu material de excarceración para liberar á muller a través do maleteiro do vehículo.

Publicidade    

Preme na imaxe se queres contactar connosco.

No operativo tamén participaron Urxencias Sanitarias de Galicia-061, os Bombeiros e a Policía Local do Carballiño