En outono esta empresa ofertará un amplo programa de roteiros tanto no concello tourense como noutras localizacións que irá desvelando
Laura Moure/Touro
Unha ducia de sendeiristas desfrutaron do roteiro programado pola empresa local Patrimonea Entre pazos, fervenzas e corredoiras. Esta iniciativa, de recente creación, ten como finalidade ofrecer unha experiencia completa que fusiona o sendeirismo coa interpretación e o disfrute do patrimonio a escasos quilómetros da capital de Galicia.
Ao finalizar o itinerario de 15 quilómetros achegáronse ata o Pazo de Andeade, unha xoia do primeiro terzo de 1.700 que conserva en moi bo estado os elementos característicos destes bens (capela, pombal, caballeira...). En outono ofertarán un amplo programa de roteiros tanto no concello tourense como noutras localizacións que irán desvelando.
Patrimonea invita aos lectores a seguir as súas actividades a través das redes sociais e na súa páxina web.
Comentarios