Unha colisión entre dous coches e un camión deixou unha persoa falecida e dúas feridas

Ecos da Comarca/Xeral

Contra as 8:10 horas, un particular que se atopaba no punto informou ao 112 Galicia dunha colisión frontal entre dous coches á altura do quilómetro 1 da N-540, na parroquia lucense de Orbazai. Máis tarde, a Garda Civil de Tráfico confirmou que no accidente houbo dous turismos e un camión implicados.

Xa naquel momento, os alertadores explicaron que o accidente semellaba grave e que podía haber persoas atrapadas no interior dos vehículos.

 Publicidade

Preme na imaxe para obter máis información.

De inmediato, os xestores do Centro Integrado de Atención ás Emerxencias puxeron os feitos en coñecemento de Urxencias Sanitarias de Galicia-061, Garda Civil de Tráfico e Bombeiros e Policía Local de Lugo.

Publicidade

Preme para contactar con nós e pregunta polas tarifas que son unha bicoca!

Pola súa banda, os servizos sanitarios só puideron confirmar o falecemento do condutor dun dos coches. Outras dúas persoas foron evacuadas en ambulancia ao Hospital Universitario Lucus Augusti (HULA).