Unha colisión entre dous coches deixou unha persoa falecida en Taboada

Ecos da Comarca/Xeral

Este mércores produciuse un accidente mortal en Taboada. No mesmo víronse implicados dous vehículos.

Accidente de hoxe. Fonte: GES Monterroso

Pasadas as 20 horas, un particular alertou ao 112 Galicia dun choque frontal entre dous turismos no quilómetro 41 da N-540, en Moreda (Taboada). Desde o primeiro momento, os alertadores advertiron que se trataba dun accidente grave e que unha persoa non respondía a estímulos.

 Publicidade

Preme para obter máis información.

De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, do GES de Monterroso e dos voluntarios de Protección Civil de Taboada, así como dos operarios de conservación da estrada.

 Publicidade/DOAZÓN PARA ECOS DA COMARCA

Fai unha doazón para axudar ao xornalistmo independente. Gracias!

Unha vez no lugar e, malia os esforzos por reanimala, os servizos de emerxencias confirmaron o falecemento dunha persoa, mentres que outro implicado resultou ferido no accidente.