Un operario resultou ferido ao caerlle un piñeiro enriba cando realizaba traballos forestais

Ecos da Comarca/Xeral

Foi un compañeiro do ferido quen alertou ao 112 Galicia, pasados escasos minutos das 17:30 horas: o operario resultara golpeado por un piñeiro cando traballaba no lugar de Ariz, en San Fagundo (San Cristovo de Cea). Estaba liberado e accesible e naquel momento xa agardaban pola asistencia na marxe da estrada.

De inmediato, os operadores do Centro Integrado de Atención ás Emerxencias activaron un operativo no que participaron Urxencias Sanitarias de Galicia-061 e os axentes da Garda Civil.

Publicidade

Preme na imaxe se queres contactar connosco.

Finalmente, o persoal sanitario encargouse do traslado do traballador ferido en ambulancia ao Complexo Hospitalario Universitario de Ourense.