Un menor falece nun accidente doméstico

Ecos da Comarca/Xeral

Un menor perdeu a vida a pasada noite na Coruña a causa dun accidente doméstico rexistrado nun domicilio da rúa Ángel Senra, tal e como informa o 112 Galicia.

O 112 Galicia tivo constancia do suceso ás 23:20 horas, tras a chamada dun veciño que alertaba de que o menor non reaccionaba.

De inmediato, desde a sala de operacións do 112 Galicia informouse ao Servizo de Urxencias Sanitarias de Galicia-061, así como á Policía Nacional, Autonómica e Local.

Unha vez no lugar, os servizos de emerxencias confirmaron o falecemento do menor. A Policía investiga os feitos, aínda que todo indica que puido enredarse cos tiradores dun estor.

Publicidade

Preme na imaxe se queres contactar connosco.

Ademais, para ofrecer apoio especializado aos familiares, activouse o Grupo de Intervención Psicolóxica en Catástrofes e Emerxencias (GIPCE) do Colexio Oficial de Psicoloxía de Galicia.