Un incendio calcina o salón dunha vivenda en Cuntis

Ecos da Comarca/Xeral

Un incendio calcina o salón dunha vivenda en Cuntis. Ocorreu no Lugar de Campo, en Troáns, tal e como informa o 112 Galicia.

Foto de arquivo.

Unha das persoas que se atopaba na zona contactou co 112 Galicia ás 11:40 horas, e alertou dunha muller que non podía abandonar a súa casa, chea de fume e na que se observaban lapas.

Publicidade

Preme na imaxe para obter máis información do evento.

Desde o Centro Integrado de Atención ás emerxencias informouse de inmediato a Urxencias Sanitarias de Galicia-061, os Bombeiros do Salnés, o Servizo de Emerxencias da Estrada, a Garda Civil, a Policía Local e os voluntarios de Protección Civil de Cuntis.

Publicidade

Preme na imaxe se queres contactar connosco.

Con todo, estes últimos confirmaron aos poucos minutos que o lume estaba apagado e que a persoa atopábase xa no exterior da vivenda. A continuación, foi atendida polo persoal sanitario, mobilizado a bordo dunha ambulancia.