Un incendio activa un amplo operativo nun almacén industrial

Ecos da Comarca/Xeral

Os servizos de emerxencias traballan desde primeira hora da tarde nun incendio declarado nunha nave industrial empregada como almacén no Barco de Valdeorras. Trátase dunha empresa dedicada ao sector metalúrxico.

Foi a Policía Local quen alertou ao 112 Galicia minutos despois das 15:30 horas, indicando que un intenso fume saía polas ventás superiores das instalacións situadas na avenida de Galicia, no Barco.

 Publicidade

Preme na imaxe para obter máis información.

Desde o Centro Integrado de Atención ás Emerxencias activouse un operativo no que participan os Bombeiros e o GES de Valdeorras, a Garda Civil, a Policía Local e os voluntarios de Protección Civil do Barco. Ademais, desprazouse ao punto unha unidade de Urxencias Sanitarias de Galicia-061, de maneira preventiva, así como persoal do distrito forestal da zona.

Publicidade

Preme para contactar con nós e pregunta polas tarifas que son unha bicoca!

Pouco despois, os medios despregados informaron de que o teito das instalacións colapsara. Nestes momentos, continúan os traballos de extinción.