Un home resulta ferido grave tras caer mentres reparaba un tellado

Ecos da Comarca/Xeral

Un home resulta ferido grave tras caer mentres reparaba un tellado en Padrenda. O accidente doméstico produciuse no lugar de Cela de Arriba, no municipio de Padrenda.

O 112 Galicia tivo constancia do suceso ás 17:50 horas, tras recibir o aviso do Servizo de Urxencias Sanitarias de Galicia-061, que informaba da caída dun home desde o tellado dunha construción e que precisaba asistencia sanitaria urxente.

De inmediato, desde a sala de operacións do 112 Galicia informouse ao GES de Ribadavia e á Garda Civil. Pola súa banda, o persoal sanitario mobilizou o helicóptero medicalizado con base en Ourense para prestar atención ao ferido.

 Publicidade

Preme para obter máis información.

Segundo indicaron os equipos de emerxencia desprazados ao punto, o home estaba a realizar tarefas de reparación no tellado dun galpón cando a estrutura cedeu, o que provocou a súa caída.

 PUBLICIDADE

Preme na imaxe para contactar con nós!

Finalmente, o ferido foi trasladado ao Complexo Hospitalario Universitario de Ourense con prognóstico grave.