Un home resulta ferido ao ceder o chan dunha vivenda

Ecos da Comarca/Xeral

Un home resultou ferido ao caer cando estaba traballando no seu propio domicilio,en Castro Caldelas, despois de que o chan cedese.

O suceso ocorreu sobre as 17:45 horas, cando o 112 Galicia tivo constancia do incidente. En principio, desde o Servizo de Urxencias Sanitarias de Galicia-061 informouse de que unha casa podería terse derrubado e que podería haber persoas atrapadas no seu interior.

 Publicidade

Preme na imaxe para obter máis información do evento.

Desde o Centro Integrado de Atención ás Emerxencias 112 Galicia activouse de inmediato o dispositivo de emerxencias, avisando ao GES de Castro Caldelas e de Quiroga, aos Bombeiros de Valdeorras, aos axentes da Garda Civil e aos efectivos de Protección Civil. Ademais, o persoal sanitario mobilizou un helicóptero medicalizado con base en Ourense para desprazarse ao lugar.

 Publicidade

Preme para obter máis información.

Unha vez no lugar, os equipos de emerxencia confirmaron que a persoa xa estaba fora da vivenda e atendida polo persoal sanitario, polo que non foi necesaria a intervención dos bombeiros.

 Publicidade/DOAZÓN PARA ECOS DA COMARCA

Fai unha doazón para axudar ao xornalistmo independente. Gracias!

Posteriormente, o ferido foi trasladado en helicóptero ao Complexo Hospitalario Universitario de Ourense. As primeiras valoracións apuntan a que o accidente non se debeu a un derrube, senón a que o chan cedeu mentres o home realizaba traballos no interior da vivenda.