Un home ferido de gravidade tras impactar o turismo no que circulaba contra un cabalo na A-6

Ecos da Comarca/Xeral

Un home resultou ferido de extrema gravidade na noite de onte tras sufrir un accidente de tráfico na autovía A-6, ao seu paso polo concello das Nogais. O turismo no que viaxaba chocou contra un cabalo que se atopaba no quilómetro 444, á altura da parroquia de Doncos.

Estado no que quedou o vehículo que chocou contra un cabalo na A-6. Fonte: Garda Civil

No vehículo viaxaban outras dúas persoas, unha muller e un bebé, que por fortuna non sufriron feridas e non requiriron traslado sanitario.

O Centro Integrado de Atención ás Emerxencias (CIAE) 112 Galicia tivo constancia do sinistro ás 23:10 horas a través do sistema de emerxencia automatizado eCall integrado no propio coche.

 PUBLICIDADE

Se queres obter máis información do evento preme na imaxe.

Ao non ser posible establecer comunicación co interior do habitáculo a través do dispositivo, a alerta confirmouse segundos despois mediante as chamadas de varios particulares que contactaron co 112 para informar do accidente.

Segundo indicaron as testemuñas, o condutor precisaba asistencia sanitaria urxente e atopábase atrapado no interior do coche, polo que se sospeitaba que puidera sufrir lesións incompatibles coa vida.

 PUBLICIDADE

Preme para obter máis información.

De inmediato, desde o 112 Galicia pasouse aviso aos Bombeiros de Sarria, a Urxencias Sanitarias de Galicia-061 e aos axentes da Garda Civil de Tráfico.

Unha vez no punto, os equipos de emerxencia desprazados confirmaron que o condutor aínda tiña constantes vitais, aínda que presentaba feridas de extrema gravidade.