Un garda civil destinado no posto de Arca, O Pino, clave na detención dun cidadá estraxeiro

A este home constáballe unha requisitoria internacional e outra nacional e foi detido en Padrón

Laura Moure/O Pino

A Garda Civil do Posto de Padrón en colaboración coa Policía Local dese Concello detivo a un cidadán estranxeiro ao que lle constaban dous requisitorias de procura localización e comparecencia. Esta persona segunda a información dispoñible era moi perigosa e supostamente portaba armas de fogo. Os feitos ocorreron cando un garda civil destinado no Posto de Arca (O Pino) que se atopaba libre de servizo na localidade de Padrón observou a presenza dun individuo cuxas características correspondían coa dunha persoa sobre o que constataban unha orde de procura e detención nacional e outra de procura, detención e comparecencia internacional, circunstancia das que tiña coñecemento a través das canles internas de comunicación da Garda Civil, tal e como informa a Oficina de Prensa da Comandancia da Coruña.

O garda civil realizou xestións para confirmar a identidade desta persoa coa Central Operativa de Servizo (COS), cuxos operadores confirmaron a mesma e a vixencia das requisitorias. Tras a confirmación, o garda civil informante seguiu discretamente ao agora detido, en contacto directo con COS, cuxos operadores solicitaron a colaboración da Policía Local para a súa identificación, dado que a patrulla do Posto de Padrón atopábase noutro cometido.

Publicidade

Preme na imaxe para obter máis información!

Unha vez acudidos no lugar os efectivos da Policía Local de Padrón ante os cales se identifica o garda civil informante, procederon á identificación deste home, corroborando que se trataba da persoa requisitoriada.

Tras finalizar o labor asignado, comparece no lugar a patrulla do Posto da Garda Civil de Padrón e procede á detención desta persoa en base á orde do Xulgado de Violencia sobre a muller nº 1 de Eivissa, unha orde internacional de procura localización e comparecencia por un ilícito da mesma índole e unha sinalización do Posto de Corcubión por un presunto autor de delito de malos tratos no ámbito familiar.

Publicidade

Preme na imaxe se queres contactar connosco.

O detido, xunto coas actuacións realizadas, foi posto ao dispor do Xulgado de garda de Padrón.