Un camión cargado de leite arde en Taboada tras caer por un terraplén

Ecos da Comarca/Xeral

O accidente ocorreu minutos despois das catro da madrugada. O propio implicado chamou ao 112 Galicia para alertar de que se saíra da vía no quilómetro 36 da N-540, á altura de Vilameñe (Taboada). O camión caeu por un terraplén duns tres metros e comezou a arder, estendéndose as lapas á vexetación máis próxima.

O camión afectado. Autor: GES de Monterroso.

Ata o punto desprazáronse Urxencias Sanitarias de Galicia-061, a Garda Civil de Tráfico, os Bombeiros de Chantada, o GES de Monterroso e persoal do distrito forestal da zona, dependente da Consellería do Medio Rural.

 PUBLICIDADE

Preme na imaxe para obter máis información deste evento.

Ao chegar ao lugar, os bombeiros confirmaron que o camioneiro lograra saír do vehículo polos seus propios medios. O camión e varias árbores próximas estaban a arder, e parte do leite que transportaba quedou derramado na vía.

 PUBLICIDADE

Preme na imaxe para obter máis información deste evento.

O condutor foi trasladado en ambulancia a un centro sanitario, mentres que os servizos de extinción encargáronse de apagar o lume.