Ulloa Viva convoca concentracións nas prazas dos pobos ás 12 horas deste domingo, día 16

A Plataforma exercitará todas as medidas administrativas e xudiciais en contra das resolucións que autoricen o proxecto Altri

Ecos da Comarca/Xeral

"A formulación pola Xunta de Declaración de Impacto Ambiental (DIA), hoxe (por onte) publicada, confirma o xa sabido, o axuste (ou re-axuste) de informes sectoriais á decisión política previa de autorizar a macro-celulosa de Altri. Uns informes que polo de agora non foron publicitados, o que tamén evidencia a falla de transparencia en todo o procedemento", recalca a Platafoma Ulloa Viva.

Manifestación contra Altri en Compostela. Autor: Ecos da Comarca.

Este DIA, apunta, "anticipa as futuras resolucións de Autorización Ambiental Integrada e da propia aprobación do Proxecto Industrial Estratéxico, nunha secuencia sucesiva de decisións político-administrativas que non teñen máis finalidade que amparar a execución dunhaindustria contaminante no ambiental e de forte impacto negativo a nivel territorial,

patrimonial, socio-económico e para a saúde das persoas. Os cambios e modificacións respecto do proxecto inicial, así como os condicionantes impostos na DIA, non alteran a decisión substantiva, que é a de avaliar favorablemente oconxunto do proxecto, nun procedemento viciado, parcialmente externalizado, e que sempreestivo sobre-determinado pola previa decisión política de autorizar a macro-celulosa".

Publicidade

Preme na imaxe para obter máis información do evento.

Mesmo sorprende, sinala, "que algunha da documentación aportada ao expediente de avaliación ambiental sexa da mesma data que a propia resolución da DIA (de 5 de marzo). Como tamén chama a antención o cambiazo do informe de avaliación dos parámetros de

verquido, entre outros ou como informes sectoriais inicialmente críticos ou discrepantes tornáronse en favorables, sen que a promotora alterase o básico do seu proxecto.A Xunta estivo a xogar a favor da súa aprobación durante todo o proceso, ocultando informes para a poboación mentres os filtraba nalgúns medios de comunicación e sen escoitar as nosas demandas nin despois da demostración da histórica manifestación de decembro en Compostela".

"Consideramos un lamentable exemplo da falta de respecto coa poboación, que a

administración aproveitara calquer ocasión para vender o proxecto GAMA deixando de ser

garante da imparcialidade que debería caracterizar un goberno que coida os intereses da

poboacion e non os de unha empresa. Denunciamos que o que aconteceu a nivel administrativo é inadmisible, e que as normas foron axeitándose ao proxecto garantindo que saira adiante a toda costa".

Publicidade

Preme na imaxe se queres contactar connosco.

E insiste en que "non estamos dispostas a permitir que un proxecto para o que as veciñas non somos importantes se asente no noso territorio e veña arrebatarnos a vida, a saúde e a nosa forma de vida. Imos seguir loitando contra altri polos medios que faga falta. Dende a Plataforma Ulloa Viva convocamos a todas as veciñas e veciños da bacía do Ulla a sair ás prazas dos seus pobos ás 12 horas de mañá, domingo 16, para berrar alto e claro ALTRI NON! E xa anticipamos que a Plataforma exercitará todas as medidas administrativas e xudiciais en contra das resolucións que autoricen o proxecto Altri. Eternamente, Altri Non!".

O ANUNCIO DA XUNTA DE DARLLE LUZ VERDE: https://www.ecosdacomarca.com/post/a-xunta-d%C3%A1-luz-verde-ambiental-ao-proxecto-de-greenfiber-en-palas