Trasladada en helicóptero tras sufrir queimaduras no incendio dun garaxe en Santiago
Ecos da Comarca/Xeral
Unha persoa foi trasladada en helicóptero tras sufrir queimaduras no incendio dun garaxe en Santiago. Os servizos de emerxencias continúan traballando no lugar (14:47 horas) e as lapas, que se produciron no garaxe, xa foron extinguidas. O implicado estaba utilizando unha máquina cando se orixinou o lume e foi rescatado por outra persoa que se atopaba na zona.
O 112 Galicia tivo constancia dos feitos minutos antes das 13:30 horas, a través da chamada dun particular que informou de que ardía unha vivenda unifamiliar na Lavacolla, na parroquia de Sabugueira (Santiago). Nese momento, os alertadores non podían confirmar se había persoas no interior.
PUBLICIDADE
De inmediato, os xestores do Centro Integrado de Atención ás Emerxencias solicitaron a colaboración de Urxencias Sanitarias de Galicia-061, os Bombeiros e as policías Nacional e Local de Santiago.
PUBLICIDADE
O lume está extinguido, mais os equipos de intervención continúan traballando no lugar. Pola súa banda, os servizos sanitarios confirmaron o traslado dunha persoa que sufriu queimaduras, a bordo do helicóptero medicalizado con base en Santiago de Urxencias Sanitarias de Galicia-061.
Comentarios