top of page

Teta e Coliño de Lalín piden o apoio dos tres partidos da oposición "ao non ser recibida polo Concello"

Ecos da Comarca/Lalín

Teta e Coliño, Asociación de lactancia e crianza con apego lamenta que aínda non foron recibidas por parte do Concello de Lalín tal e como lle solicitaron hai unhas semanas. "Ante a falta de resposta por parte do Concello de Lalín tras unha nova solicitude de xuntanza enviada vía rexistro o pasado 1 de maio, como asociación mostramos a nosa incomodidade e vimos de pedir apoio aos tres partidos da oposición para que nos axuden a visibilizar a situación", indica o colectivo.

Os motivos da súa solicitude de reunión son:

  • Presentar formalmente a súa asociación, que leva dous anos desenvolvendo actividades en Lalín.

  • Denunciar a situación actual da sanidade pública na contorna, que especificamente na área de pediatría está nunha situación terrible, e solicitar información sobre as solucións previstas ante a mesma.

  • Solicitar poder facer uso do espazo da Ludoteca no Edificio Polivalente Manuel Rivero, "que recentemente se nos negou e nos gustaría poder utilizar con asiduidade, xa que temos constancia de que é un espazo axeitado que non está a ser utilizado por outras organizacións con necesidades semellantes ás nosas".


Publicidade

  • Solicitar que o goberno local propoña políticas públicas no eido sociocultural dirixidas á infancia, con continuidade e desde a mirada da crianza respectuosa.

  • Solicitar información e solucións para as familias solicitantes de praza nas escolas infantís de Lalín que veñen de quedar en lista de agarda por falta de prazas o vindeiro curso. 


0 comentarios

Comments


IRS.gif
Copia de ¡TU Anuncio!.gif
Ecos_da_Comarca_neg.png
bottom of page