Rescatada tras caer a un contedor de lixo

Ecos da Comarca/Xeral

Cae dentro dun contedor de lixo en Soutomaior. O accidente produciuse cando a persoa trataba de recuperar unha pertenza do interior do colector, tal e como informa o 112 Galicia.

Foto de arquivo.

Os efectivos de emerxencias tiveron que romper a caixa para poder rescatar a muller, que tiña unha lesión importante nunha perna e lle impedía moverse.

Publicidade

Preme na imaxe para obter máis información do evento.

En resumo, unha concatenación de pequenos sucesos, que derivaron nunha situación complexa para a muller, pois, ademais de asistencia médica, necesitou ser rescatada.

Por iso, cando o 112 Galicia tivo coñecemento dos feitos mediante a chamada dun alertador ás tres desta tarde, activouse un operativo, que formaron os profesionais de Urxencias Sanitarias de Galicia-061, os efectivos do GES de Mos e os axentes da Garda Civil. Tamén foron informados os Bombeiros do Porriño, pero bastaron os recursos de Mos para facer fronte á situación.

Publicidade

Preme na imaxe se queres contactar connosco.

Unha vez fóra do contedor, a persoa recibiu a atención médica necesaria e mesmo sería trasladada ao Hospital de Montecelo, en Pontevedra.