Prodúcese a rotura de contención dunha balsa na antiga mina do Monte Neme

Ecos da Comarca/Xeral

Axega informa da rotura de contención dunha balsa na antiga mina do Monte Neme en Aviño, no concello coruñés de Malpica de Bergantiños.

Fonte: Concello de Carballo.

"Non hai persoas afectadas nin vivendas, pero o monte e a estrada de Aviño está interrompida debido ao verquido de escombros", sinala o 112 Galicia.

 Publicidade/DOAZÓN PARA ECOS DA COMARCA

O Concello de Carballo tamén informou dos feitos. "A rotura dunha galería das antigas minas de Monte Neme vén de provocar un torrente de auga procedente dunha das balsas, na que o nivel baixou aproximadamente tres metros. A Policía Local e Protección Civil de Carballo achegáronse ata o lugar e procederon ao corte do tráfico na pista que comunica o noso concello co de Malpica".

 Publicidade

Preme na imaxe para obter máis información.

Nestes momentos atópanse na zona o alcalde, Daniel Pérez, e os concelleiros de Obras, Policía e Protección Civil, Luis Lamas, Juan Seoane e Miguel Vales, que se achegaron para comprobar a magnitude da incidencia de primeira man. Daniel Pérez púxose en contacto co alcalde de Malpica, Eduardo Parga, e ofreceulle a colaboración do noso concello para o que poida precisar, dado que os danos concéntranse en territorio malpicán.

Publicidade

Preme para contactar con nós e pregunta polas tarifas que son unha bicoca!

"Dada a situación do terreo e a previsión de que siga chovendo nos próximos días, pedímosvos a máxima precaución e que evitedes achegarvos á contorna do monte Neme, tanto pola zona de Malpica coma pola de Carballo", sinalan dende o Concello.