Pillado un turismo a 146 km/h circulando case ao triple da velocidade permitida

Ecos da Comarca/Xeral

Axentes da Agrupación de Tráfico da Garda Civil da Comandancia de Pontevedra interceptan a un condutor que circulaba a 146 km/h nun tramo limitado a 50. O radar detectou un vehículo circulando con exceso de velocidade na estrada N-640, na localidade de Cuntis.

No tramo da vía onde ocorreron os feitos ten limitada a súa velocidade por sinal específico en 50 quilómetros por hora. Os gardas civís de tráfico lograron deter a marcha do turismo e o seu condutor, un home de 34 anos veciño de Valga, procedendo a investigalo por un suposto delito contra a seguridade viaria; poñendo tales feitos ao dispor da Sección Civil e de Instrución do Tribunal de Instancia de garda de Caldas de Reis.

 Publicidade

Preme na imaxe para obter máis información.

As penas para cumprir por este tipo de delitos poden chegar a ser de prisión e, en todo caso, de privación do dereito para conducir vehículos de motor e ciclomotores entre un e catro anos.

Publicidade

Preme para contactar con nós e pregunta polas tarifas que son unha bicoca!

Desde a Agrupación de Tráfico faise un chamamento a todos os condutores para concienciarse da importancia que conleva respectar os límites de velocidade, cuxo incumprimento incrementa de maneira moi considerable o risco de producirse un sinistro viario, así como a gravidade das súas consecuencias.