Palas de Rei acollerá o 26 de novembro dúas xornadas sobre trámites na Seguridade Social

Unha será para autónomos e outra para o público en xeral

Ecos da Comarca/Palas de Rei

A Dirección Provincial da Tesourería Xeral da Seguridade Social (TGSS) de Lugo, en colaboración co Concello de Palas de Rei, organiza dúas sesións informativas para autónomos e público en xeral. Estas sesións celebraranse o 26 de novembro de 2025.

 Publicidade

Preme na imaxe para obter máis información.

A sesión de formación para autónomos ten como obxectivo proporcionarlles os coñecementos necesarios para realizar os seus trámites coa Seguridade Social a través da aplicación IMPORTASS. A sesión para o público en xeral informará sobre como interactuar connosco a través deste portal e todas as posibilidades que ofrece, como a sinatura dun convenio especial ou a obtención do seu informe de vida laboral. Pode vir acompañado/a por quen desexe.

Publicidade

Preme para contactar con nós e pregunta polas tarifas que son unha bicoca!

Data: mércores 26 de novembro de 2025

Hora: 16:30 a 17:30 – Cidadáns

Hora: 17:30 a 18:30 – Autónomos

Lugar: Centro Comarcal da Ulloa – Av. de Compostela 47 - 27200 Palas de Rei - Lugo