Os servizos de emerxencias traballan, nestes intres, na extinción dunha cerería

Ecos da Comarca/Xeral

Os servizos de emerxencias traballan, nestes intres, na extinción dunha cerería en Negreira. Non hai persoas afectadas.

Foto de arquivo.

Un particular alertou do lume ao 112 Galicia sobre as catro e media desta pasada madrugada. Indicaba que ardía unha fábrica de velas no lugar de Espesedo, en Bugallido, na localidade de Negreira.

 Publicidade

Preme para obter máis información.

A partir de aí, desde o 112 Galicia púxose en marcha un dispositivo de intervención no que participan os Bombeiros de Santa Comba, de Cee,  o GES de Brión, o servizo provincial de incendios e a Garda Civil.

Tamén, aínda que non hai constancia de que houbese persoas feridas,  por precaución, informouse ao persoal do Servizo de Urxencias Sanitarias de Galicia-061, así como, ao Servizo de Medio Ambiente da Xunta de Galicia, ao persoal do Concello,  á Policía Local e á Agrupación de Voluntarios de Protección Civil da localidade.

 Publicidade/DOAZÓN PARA ECOS DA COMARCA

Fai unha doazón para axudar ao xornalistmo independente. Gracias!

Arestora, os medios traballan arreo para evitar a propagación das lapas, que só afecta á fábrica.