Os servizos de emerxencias actuaron en Vilalba polo envorco dun camión que transportaba leite

Ecos da Comarca/Xeral

Os servizos de emerxencias actuaron este luns en Vilalba polo envorco dun camión que transportaba leite, tal e como informa o 112 Galicia.

O camión envorcado. (Foto cedida).

Ocorreu minutos antes das 15 horas e o vehículo obstaculizaba a circulación. O 112 Galicia tivo constancia deste accidente a través dun particular: un camión acababa de envorcar no quilómetro 10 da LU-541, en Ladra (Vilalba). Nun primeiro momento pensouse que o condutor podía estar atrapado, mais conseguiu saír polo seus propios medios.

 Publicidade

Preme para obter máis información.

No operativo participaron Urxencias Sanitarias de Galicia-061, os Bombeiros de Vilalba, a Garda Civil de Tráfico e os servizos de mantemento da estrada.

 PUBLICIDADE

Preme na imaxe para contactar con nós!

O vehículo perdeu algo de combustible como consecuencia do impacto, pero os bombeiros resolveron rapidamente a situación.