Os membros do GES de Monterroso espertan aos ocupantes dunha casa ameazada por un lume na cheminea

Ecos da Comarca/Monterroso

Os ocupantes dunha vivenda situada na Avenida de Pontevedra, en Monterroso, durmían completamente alleos ao incendio declarado na cheminea da casa. Foron os integrantes do GES da localidade quen deberon espertalos para poñelos a salvo do lume alimentado pola feluxe acumulada no interior do conduto, tal e como informa o 112 Galicia.

Foto arquivo.

Así, evitaron que as persoas sufriran danos e fixeron fronte ás chamas de maneira que só a cheminea se vise afectada.

Malia que os Bombeiros de Chantada estaban prealertados, bastaron os recursos do GES de Monterroso para reducir o lume. Este incendio rexistrouse no 112 Galicia na medianoite.