Os corredores do Run Run Monterroso participaron na I edición do Xacorun
Ecos da Comarca/Monterroso
Os corredores do Run Run Monterroso participaron na I edición do Xacorun. O evento celebrado este sábado, 19 de marzo pola tarde, daba a posibilidade de correr os 22 quilómetros que unen Sarria con Portomarín ou ben os 11, que enlazan San Miguel de Biville con Portomarín.
Os percorridos discorreron polo trazado do camiño de Santiago tendo a particularidade que, dado o nivel baixo do embalse de Belesar, cruzouse pola ponte antiga de Portomarín que nestas datas non estaba anegada polo Miño, tal e como explica o clube.
Na carreira de 11 quilómetros os tres primeiros en chegar a meta situada diante da igrexa de San Xoan de Portomarín foron Alejandro González, Martín Santos e Carlos Carrete. "Dos representantes do Run Run Monterroso nesta carreira destacar a Moisés Cadahía que quedou o borde do podium o chegar no 4º lugar e a José Manuel Pacín que chegou en 10º posto".
Na distancia de 22 quilómetros os tres primeiros foron José Canda, Diego Martín e José Manuel Penas. "Dos participantes do Run Run Monterroso nesta distancia destacar o 5º posto da categoría Veterano A de Rubén Mosquera e o 5ª posto de Ander Castro na categoría senior".
Comentarios