Os bombeiros liberan a unha persoa coa perna atrapada nunha motoazada en Sarria

Ecos da Comarca/Xeral

Os bombeiros liberan a unha persoa coa perna atrapada nunha motoazada en Sarria. Unha vez liberada, foi evacuada polo helicóptero medicalizado con base en Ourense. Os feitos ocorreron ás 13:30 horas de hoxe no lugar da Agra, en Corvello, concello de Sarria, tal e como informa o 112 Galicia.

Segundo a persoa que chamou ao 112 Galicia, un home necesitaba axuda tras quedarlle unha perna atrapada nunha máquina agrícola. Concretamente, tratábase dunha motoazada e, malia que estaba consciente, era necesaria a intervención dos bombeiros para liberar a súa perna e recibir asistencia médica.

Publicidade

Preme na imaxe para obter máis información.

Así, desde o 112 Galicia, avisouse aos Bombeiros de Monforte, así como aos profesionais de Urxencias Sanitarias de Galicia-061, que decidiron enviar unha dotación a bordo do helicóptero con base en Ourense para favorecer unha traslado rápido e eficaz.

Publicidade

Preme na imaxe se queres contactar connosco.

Ademais, foron alertados os axentes da Policía Local e da Garda Civil.