Orixínase un incendio nunha vivenda de Pastor, no concello do Pino

Ecos da Comarca/O Pino

Este venres pola noite orixinouse un incendio nunha casa do concello do Pino. O 112 Galicia foi alertado por particulares ás 23:20 horas.

A vivenda afectada polo lume. Autor: Bombeiros de Arzúa.

"Na chamada indicábanos que había xente no seu interior, pero que xa estaban saíndo para fóra",informa o 112. Ocorreu no lugar da Pena, na parroquia de Pastor.

Publicidade

Preme na imaxe para obter máis información do evento.

Ata o lugar desprazáronse os Bombeiros do Parque Provincial de Arzúa, a Garda Civil e unha ambulancia do 061.

"Recibimos a chamada do 112 ás 23:24 horas. Procedemos ós labores de extinción do lume e ventilación da vivenda. Só se produciron danos materiais", indican os Bombeiros de Arzúa.

Publicidade

Preme na imaxe se queres contactar connosco.

Tamén sinalan que acabaron a intervención ás 1:33 horas deste sábado.