Ecos da Comarca/Lalín
Pasados escasos minutos das 18:00 horas deste sábado, o 112 Galicia foi alertado por un incendio nun garaxe no municipio de Lalín. O suceso ocorreu no lugar do Castelo, na parroquia de Cadrón.
Tal e como informa o 112 Galicia o lume afectou ao garaxe dunha vivenda deste sitio. "Prendeu nun electrodoméstico e na leña que estaba alí almacenada. Pero foi extinguido polos particulares cunha mangueira", informa o 112 Galicia.
O 112 Galicia alertou aos Bombeiros de Deza, aos GES de Lalín, á Garda Civil e tamén informou á Policía Local, a Protección Civil e ao Concello de Lalín.
Comentários