O presidente do Goberno anuncia tres días de loito oficial en España polo accidente ferroviario de Urda

Ecos da Comarca/Xeral

O presidente do Goberno, Pedro Sánchez, anunciou que o Executivo decretará esta tarde tres días de loito oficial en todo o país, desde a medianoite de hoxe e ata as 24:00 horas do sábado 31 de outubro, en sinal de condolencia coas familias e persoas achegadas dos falecidos no accidente de tren ocorrido este mércores en Urda (Toledo).

Durante este período de loito oficial, a bandeira nacional ondeará a medio mastro no exterior de todos os edificios públicos, incluíndo as representacións e misións no exterior, e buques da Armada.

O presidente trasladou esta decisión no curso dunha comparecencia ante os medios, tras visitar o lugar do accidente ferroviario e coñecer o estado de situación da emerxencia, así como a última hora dos traballos que os distintos equipos están a levar a cabo.

A súa comparecencia foi a seguinte:

“Moitas grazas, presidente, e grazas tamén aos alcaldes pola súa solidariedade, e por extensión aos veciños, tanto de Yébenes como de Urda, que desde o primeiro minuto envorcáronse para atender as vítimas desta terrible traxedia.

Hoxe España está de loito. Toda España está de loito e expresamos toda a nosa solidariedade e toda a nosa empatía cos familiares das vítimas e tamén dos feridos que aínda permanecen hospitalizados, aos que esperamos que teñan unha pronta recuperación. Porque detrás de cada de cada unha das persoas que hoxe faleceu hai vidas rotas, hai familias crebadas, hai angustia tamén daquelas familias que aínda non saben cal é o paradoiro do seu familiar. E, por suposto, hai moita dor, moita dor, que loxicamente o conxunto da sociedade española comparte.

Desde o Goberno de España queremos dicir o seguinte. En primeiro lugar, que a nosa principal prioridade, como ben comentaron antes os alcaldes e o presidente da Junta de Comunidades de Castilla-La Mancha, son as vítimas, son os seus familiares. É o atopar, oxalá, ao maior número de persoas vivas. E o atender, desde o punto de vista material e desde o punto de vista psicolóxico, aos feridos e aos familiares das vítimas desta terrible traxedia. En segundo lugar, como ben dixo antes o presidente e os alcaldes, creo que é moi importante subliñar o servizo público, a extraordinaria profesionalidade de todo o servizo de emerxencias, de Protección Civil. E, por suposto , tamén a extraordinaria cooperación e coordinación que hai habido entre todas as institucións. Desde a Protección Civil, por suposto, pero tamén ao Gobierno autonómico de Castela-A Mancha, á Deputación de Toledo, ao Concello de Urda, por suposto, de Yébenes. E como dixo antes o presidente, a todas as comunidades autónomas. Tamén outras deputacións, que me consta envorcáronse para poder dar unha resposta pronta a esta traxedia.

 PUBLICIDADE

Preme na imaxe para obter máis información.

O segundo dos nosos obxectivos, por suposto, é o de esclarecer que é o que sucedeu, por que sucedeu esta traxedia. Hoxe o ministro de Transportes, en coordinación tamén co ministro do Interior que me acompaña e eu mesmo, tratamos de coñecer cal é a orixe desta traxedia, deste terrible accidente. Cónstame que a Comisión Independente de Accidentes Ferroviarios e -como ben antes comentaba o presidente Page- as autoridades xudiciais están a facer o seu labor, pero tamén loxicamente o propio Ministerio está a tratar de coñecer cales son as causas, a orixe, o porqué desta de terrible traxedia. E imos chegar ata o final e se hai habido neglixencias saberase, e se hai habido fallos no sistema de seguridade responderanse con total contundencia, porque é evidente que sufrimos dúas terribles traxedias nun mesmo ano na alta velocidade.

Moi probablemente todo indica a que a orixe dos dous accidentes nada ten que ver, pero iso non me corresponde a min dicilo, senón á Comisión Independente de Accidentes Ferroviarios, por suposto ao labor da xustiza e a investigación e o exame que faga -neste caso- Adif e Renfe e todo o sistema ferroviario. Pero o que está claro é que, se temos, como debemos, reforzar aínda máis a seguridade para volver reconstruír a confianza no noso sistema ferroviario de alta velocidade, farase, porque o que non é asumible para un país como España é sufrir dous accidentes ferroviarios de alta velocidade nun mesmo ano, como sufrimos. Por tanto, tomaranse todas as medidas que se consideren oportuno e con total contundencia para reconstruír esa confianza no noso sistema de alta velocidade e, por suposto, para garantir aínda máis a seguridade dos nosos concidadáns que utilicen este servizo.

 PUBLICIDADE

Preme na imaxe para contactar connosco.

E, finalmente, queremos trasladar -falo co presidente da Junta de Comunidades de Castilla-La Mancha- que esta tarde por suposto procederemos á declaración de tres días de loito oficial, como fixemos tamén co accidente ferroviario de Adamuz. Será o día 29, o día 30 e o día 31. Como dixen antes, ao principio desta breve intervención, España está de loito, abraza ás súas vítimas e desde logo, o Goberno de España e todo o Estado está coas vítimas e tamén cos familiares das mesmas. E, por suposto, agradecer aos medios de comunicación toda a información que estiveron trasladando aos cidadáns e especialmente aos ás vítimas e aos familiares desas vítimas para poder coñecer o estado dos seus seres queridos".

Catro oficinas para atendes a familiares

A Garda Civil habilitou catro oficinas para atender os familiares de primeiro grao das vítimas do accidente ferroviario. O obxectivo prioritario é identificar as persoas desaparecidas e recoller mostras de ADN para facilitar a súa identificación e localización dos seus familiares.

As dependencias están situadas en:

Toledo: Comandancia da Garda Civil, na avenida de Barber, número 42.

Córdoba: Comandancia da Garda Civil, na avenida de Medina Azahara, número 2.

Sevilla: Zona da Garda Civil, na avenida da Borbolla, número 8.

Madrid: Zona da Garda Civil, na rúa Batalla del Salado, número 32.