top of page

O Plan de Mellora de Bibliotecas Escolares da Xunta beneficia a tres centros educativos da Ulloa

Foto del escritor: ecosdacomarcaecosdacomarca

Ecos da Comarca/A Ulloa

A directora xeral de Ordenación e Innovación Educativa, Judith Fernández, visitou hoxe o Centro de Educación Especial CEE Infanta Elena de Monforte de Lemos, un dos 107 centros educativos da provincia de Lugo que participan no Plan de Mellora de Bibliotecas Escolares (Plambe). A través deste plan, a Xunta de Galicia apoia as bibliotecas escolares como espazos estratéxicos para mellorar a calidade do ensino e a atención á diversidade mediante ferramentas de aprendizaxe e recursos para material didáctico. Entre elas vense beneficiaros tres centros educativoos da comarca da Ulloa.

Neste curso 2024/2025 o Plambe incorpora catro novos centros na provincia, que recibirán formación específica e apoio técnico a través da asesoría de bibliotecas escolares da Consellería de Educación, Ciencia, Universidades e Formación Profesional. Ademais, os 103 centros que renovan a súa participación, entre os que se encontra o CEE Infanta Elena, contarán con axudas para ampliar os fondos bibliográficos, modernizar o mobiliario e equipamentos ou sufragar gastos de mantemento e xestión das súas bibliotecas. Do concello de Monforte de Lemos tamén están subscritos a este plan os centros CEIP Plurilingüe de Monforte de Lemos, IES Francisco Daviña Rey, CEIP Plurilingüe A Gándara, IES Río Cabe, IES A Pinguela e a EOI de Monforte de Lemos.


O obxectivo principal deste programa é transformar as bibliotecas escolares en espazos dinámicos e innovadores, promovendo tanto a comprensión lectora como o hábito lector. A renovación dos recursos busca, ademais, fomentar a creatividade, ampliar as oportunidades de aprendizaxe e consolidar a biblioteca como un apoio esencial.



Publicidade

Preme na imaxe se queres contactar connosco.

As bibliotecas escolares son un motor esencial do desenvolvemento académico e persoal do alumnado galego. Por iso, a Xunta de Galicia impulsa numerosas accións nestes espazos para seguir apoiando a transformación e renovación das bibliotecas, tanto no que atinxe a programas específicos como á dotación de equipamento. Entre as iniciativas destacan o Plambe, a Biblioteca Creativa, Lectura e Familias ou os Clubs de lectura, entre outras.


Da comarca da Ulloa estes son os beneficiarios:

  • CEIP Plurilingüe de Antas de Ulla

  • IES de Monterroso

  • CEIP Plurilingüe de Palas de Rei

Todos os centros participantes pódense consultar no seguinte enlace:


0 comentarios

Entradas recientes

Ver todo

Comments


IRS.gif
Copia de ¡TU Anuncio!.gif
Ecos_da_Comarca_neg.png

© 2025 por Ecos da Comarca.

¡Grazas por contactar connosco!

  • Facebook
  • Instagram
  • TikTok
  • X
  • Youtube
bottom of page