O Pino activa unha campaña de visibilización e formación para conmemorar o 25N

A mensaxe ‘Non é mulleres contra homes. É todo o mundo contra o maltrato’ centra a campaña deste ano

Laura Moure/Silleda

O Concello do Pino desenvolve estes días varias iniciativas con motivo do 25N, Día Internacional da Eliminación da Violencia contra a Muller. O obxectivo é reforzar a conciencia social e promover a implicación da veciñanza na defensa da igualdade.

As rúas do municipio incorporan bandeirolas e carteis coa mensaxe Non é mulleres contra

homes. É todo o mundo contra o maltrato así como pancartas que reforza esta liña de

visibilización.

Na entrada da Casa Consistorial instalouse ademais un panel de gran formato con diferentes frases que convidan á reflexión. Estas intervencións forman parte da campaña de sensibilización impulsada polo municipio ao longo destas datas.

 Publicidade

Preme na imaxe para obter máis información.

O luns día 24 terá lugar unha acción dirixida aos centros educativos. O alumnado de 4º da

ESO participará na actividade Hai saída grazas a ti. A sesión contará cunha duración

aproximada de noventa minutos e combinará debates, dinámicas participativas e contidos

específicos sobre a violencia de xénero, os seus tipos, os mitos asociados e as consecuencias que produce. Inclúense actividades para identificar relacións sans e sinais de alerta, ademais de información sobre recursos e orientación ante posibles situacións de risco.

Publicidade

Preme para contactar con nós e pregunta polas tarifas que son unha bicoca!

Con estas iniciativas o Concello busca educar, visibilizar, ofrecer ferramentas prácticas á mocidade e fomentar espazos de participación que contribúan a unha comunidade máis igualitaria e segura, consciente da importancia de erradicar a violencia de xénero.