O Pino abre o prazo de inscrición no programa ‘Concilia Entroido 2026’ para facilitar a conciliación

A actividade desenvolverase os días 16, 17 e 18 de febreiro no pavillón municipal e no CPI Camiño de Santiago

Laura Moure/O Pino

O Concello do Pino, a través da Concellería de Muller e Benestar Social, pon en marcha unha nova edición do programa Concilia Entroido 2026, unha iniciativa dirixida a apoiar ás familias do municipio na conciliación da vida laboral e familiar durante o período de vacacións escolares. A actividade está destinada a nenos e nenas de entre 3 e 12 anos, ambos inclusive, e desenvolverase os días 16, 17 e 18 de febreiro.

O servizo prestarase en horario de 8:00 a 15:00 horas, con recollida flexible entre as 13:30 e as 15:00 horas, e terá lugar nas instalacións do pavillón municipal e nos espazos exteriores do CPI Camiño de Santiago.

O programa conta cun total de 50 prazas por quenda, sendo necesario acadar un número mínimo de solicitudes para a súa realización. No caso de que a demanda supere a oferta,

aplicaranse criterios de prioridade, entre os que figuran o empadroamento no Concello do

Pino, a situación laboral activa dos proxenitores ou titores, a escolarización en centros do

municipio, a condición de familia monoparental ou situacións especiais valoradas polos

Servizos Sociais.

 Publicidade/DOAZÓN PARA ECOS DA COMARCA

A listaxe de persoas admitidas publicarase no taboleiro de edictos e na web municipal, establecéndose tamén unha lista de agarda. No caso de irmáns ou irmás que soliciten a

mesma quenda, a admisión dun deles suporá a incorporación automática do resto.

O prezo da actividade é de 15 euros polos tres días de duración. As familias monoparentais e as familias numerosas, a partir do segundo fillo ou filla, contarán cun desconto do 20% previa acreditación documental.

 Publicidade

Preme na imaxe para obter máis información.

As familias interesadas poden formalizar a inscrición ata o 11 de febreiro. A ficha de solicitude está dispoñible nas dependencias municipais (en horario de 9:00 a 14:00 horas)

ou para a súa descarga na páxina web oficial www.opino.gal  O xustificante de pagamento

poderá presentarse ata o 16 de febreiro.

Publicidade

Preme para contactar con nós e pregunta polas tarifas que son unha bicoca!

Con este programa, o goberno local reafirma o seu compromiso co benestar social,

proporcionando un espazo de lecer seguro e educativo mentres se atenden as necesidades profesionais dos pais e titores.